هتوحشوووووووووننى
13 فبراير 2009 تعليقات
أزيكم يا جماعة
وحشتونى قوى اليومين اللى فاتوا دول
و مفتقدة بوستاتكم و تعليقاتكم
و أى حاجة فى البلوج سبوت تخصكم
أختكم مزنوقة اليومين دول فى مشوار عائلى
خالتى الغالية بعافية حبتين و محتاجة شوية تحاليل و مناظير و أبصر إيه و كدا
أل إيه … مقعدينى معاها
أل عشان أخد بالى منها
لأ … متفهموش غلط و دماغكم تروح لبعيد
طبعا مش عشان أطبخلها و إلا كان زمانها فى العناية المركزة دلوقتى
لأ … كل الحكاية إنهم عايزين حد يقعد ياخد بحسها فى المستشفى
و هيا بتظبط السكر و الضغط و الحاجات دى
أصل معندهاش بنات … ولاد بس
و الست من يوم ما أتولدت و هيا بتحبنى و مخمومة فيا
و دايما لما بنخرج سوا فى أى حتة … تقول للناس عليا … دى بنتى حبيبتى
و أنا بحس إنها امى … و ليها نصيب فيا على قدر الحب و الحنان اللى شوفته منها طول عمرى
و لهذا و بناء عليه … مكنش ينفع أسيب موقعى الإستراتيجى كأبنة مدللة من خالتى
و لا مبقاش معاها
المستشفى كويسة و الإقامة ممتازة .. و الممرضات لطاف
و الدكاترة خصوصا صغار السن مهذبين قوى
و تحس إن الجيل الجديد دا طالع شكل تانى غير زمان
يعنى فيه ضمير مش زى ما يشاع فى العادة من ذهاب الهمة و الاخلاق و الكلام الكبير دا
و عقبال ما اشوف إبنى و كل العيال زيهم يعنى حاجة تفرح
يا رب
و مؤقتا كدا … كل واحد يخلى باله من نفسه
و مش عاوزة شقاوات على رأى يوسف
و هبقى أرد على التعليقات و الإيميلات اللى مبعوتالى لما أرجع إن شاء الله
عشان يا دوب برجع البيت أغير الهدوم و أرجع تانى و كتبت البوست دا صربعةً
يلا سلام دلوقتى و لحد ما أرجع
هتوحشووووووووونى
فبراير 13, 2009 @ 13:09:00
الف سلامه عليها يا طمطم وربنا يطمنك عليها اما لخصوص الطبيخ فانا اقر واعترف انك طباخه فاشله ههههه بهزر طبعا بس مسيري اذنقك واعرف
بوسات كتير لغايه لما ترجعي ولخالتو كمان
فبراير 13, 2009 @ 13:23:00
الف سلامة عليها يا طمطم وربنا يقومها ليكى بالسلامة ولا يحرمك منها ولا يحرمها منك ويخليكم لبعض
فبراير 13, 2009 @ 13:32:00
الف سلامة عليها ولا باس طهور ان شاء الله وربنا يجعلها كفارة سيئاتها يارب
بعت لك رسالة على الميل ياريت تشوفيها ومنتظر ردك ان شاء الله
سلام يا ام يوسف
فبراير 13, 2009 @ 14:12:00
ألف سلامة عليها
ربنا يشفيها و يقومها بالسلامة يارب
فبراير 13, 2009 @ 14:14:00
الف سلامه عليها ربنا يشفيها ياجميل ويطمنك عليها
بوسه يلا ياطمطم
فبراير 13, 2009 @ 14:39:00
فاتيما
الف الف الف الف سلامة علي خالتو يا قمرة انتي اللي هاتوحشينا قوي خالص
خالتك بتفكرني بخالتي قوي قوي هي برضة معندهاش بنات وبرضة مخمومة فيا
مش تتأخري بقي مستنينك
فبراير 13, 2009 @ 15:01:00
الف مليون سلامة عليها
ربنا يطمنك عليها ويتم شفاها على خير
وربنا يخليكو لبعض دايما
تحياتى
فبراير 13, 2009 @ 15:08:00
الف سلامة عليها
ربنا يشفيها ويقومها بالسلامة ويجعل قعادك جنبها في صحيفة حسناتك
فبراير 13, 2009 @ 15:43:00
سلامتها ياحبيبتى ان شاء الله تخف بسرعة
بصى ياطماطم خليها تدعيلنا جامد دعوة المريض مجابة على فكرة يعنى استغلى الموقف:)
ترجعيلنا بالسلامة ان شاء الله
فبراير 13, 2009 @ 16:07:00
ياااااه اخيرا هعرف اعلق
والله كذا مره ادخل التعليق مايوصلش
ازيك ياام يوسف
يارب تكونى بخير
والف سلامه لخالتك
ربنا يقومها بالسلامه
احمد
فبراير 13, 2009 @ 17:43:00
الف الف الف سلامة عليها يافاطتيما
ربنا يشفيها ويبارك فى عمرى
وترجعى لنا بسرعه يا طمطم
ربنا يطمنا عليها وعليكى يارب
فبراير 13, 2009 @ 18:21:00
اسأل الله العظيم رب العرش العظيم ان يشفيها
وانت اصلا من الاول وحشانى
ومتتأخريش
يا احلى فاتيما
فبراير 13, 2009 @ 18:51:00
الف سلامة وربنا يقومها بالسلامه
وانتى وحشانا اكتر
ويارب ترجع لنا بالسلامة
تحياتى
فبراير 13, 2009 @ 19:56:00
سلامه خالتك يا جميل
فبراير 13, 2009 @ 20:25:00
الف سلامة لخالتك
و ربنا يشفيهالك يارب
و ربنا يجازيكي كل الخير على مصاحبتك ليها
فبراير 13, 2009 @ 20:49:00
انت كمان هتوحشينا
إن شاء الله تقوم بالسلامة يا تمتومة
فبراير 13, 2009 @ 21:06:00
الف سلامة ليها وربنا يقومها بالسلامة
ومستنيينك
تحياتى
فبراير 13, 2009 @ 21:57:00
الف الف سلامه على خالتو يافاتيما
ثم ان الشهامه والجدعنه دى فى طبعك يابنتى يعنى مش شئ غريب عليكى
ربنا يبارك فيكى
ويجعل وقفتك معاها فى ميزان حسناتك ياقمر
فبراير 14, 2009 @ 01:04:00
حبيبتى طمطم الف مليون سلامة على خالتك
انتى كلك جدعنة طبعا الخالة والدة ربنا يجعلة فى كفات حسناتك يارب
ابقى طمنينا عليها
كل الحب
فبراير 14, 2009 @ 02:21:00
الف الف مليون سلامة عليها
انتى اللى هتوحشينى اكتر ما انتى وحشانى اصلا
سلام ياقمر
فبراير 14, 2009 @ 04:23:00
شفاها الله وعفاها
فبراير 14, 2009 @ 05:23:00
ألف سلامه عليها
وإن شاء الله تقوم زي الفل
وهي بالفعل زي والدتك
فكما يقال الخال والد فكذلك الخاله والده
فلها عليكي حقوق كتيره برضو
ربنا يقومها بالسلامه
وتعودي لمدونتك بسرعه
فبراير 14, 2009 @ 06:45:00
تروحي وترجعي بالف سلامه يارب
والف سلامه على طنط
ربنا يتم شفاها على خير وتقوم بالسلامه
فبراير 14, 2009 @ 14:40:00
عارفة
أول ما دخلت المدونة أدور على أغنية الحجار دي اشتغلت فين وادور عندي يمين وشمال واستغربت اوووووووووووي
وبعد جهد جهيد اخدت بالي انها هنا في المدونة عندك
يا ستي اتفضلي روحي خليكي جنبها واطمني عليها براحتك ومتقلقيش خالص
وإن شاء الله مش هسيب المدونة عندك لا ليل ولا نهار وافضل مأنتخ هنا جنب الحجار
وألف سلامة عليها وإن شاء الله في ميزان حسناتك
ومتقلقيش مفيش شقاوات
تحياتي
وليد
فبراير 14, 2009 @ 17:29:00
اولا الف لا بأس علي خالتك والف سلامه ليها
ربنا يشفيها ويعافيها يا رب
وترجع احسن من الأول
ثانيا انتى كمان وحشانا جدا ويا رب تقتصر الغيبه بقى على كدا وتعودى تنورى بمدونتك من جديد
ربنا يبارك فيكى ويخليكى لكل اللي بيحبوكى ولينا
تحياتى
فبراير 14, 2009 @ 21:48:00
الف سلامة عليها
كويس ان فيه ناس عندها ضمير
ربنا يرجعها بالسلامة
فبراير 15, 2009 @ 02:21:00
ألف سلامة عليها يا طمطم
ربنا يشفيها وترجع بيتها بالسلامة ان شاء الله
هتوحشينا يا جميل
ترجعى بألف سلامة
فبراير 15, 2009 @ 11:40:00
الخالة جوة القلب غلاوتها متشاله
و مين يكون أقرب للأم م الخاله
واجب عليكي أكيد ترعيها في مرضها
الخدمة من حقها مش فضل ولا عواله
و عجبي
KING TOOOT
فبراير 15, 2009 @ 20:13:00
الف سلامه عليها
ويارب يقومها بالسلامه
وانتى هتوحشينا اكتر
تروحى وترجعى بالف سلامه
ونشوفك على خير
فبراير 15, 2009 @ 20:23:00
يعنى انا بقالى كتير مش باجى و يوم ما اجى الاقيكى مش موجوده
عموما الف سلامه و ربنا يطمنا عليها و يجازيكى عنها الف خير
فبراير 16, 2009 @ 11:29:00
ترجعى بالسلامة يارب يا فاتيما
وكلامك عن خالتك فكرنى بخالتى
اصل انا خالتى بحبها اوى وبحس كتير انها الام الروحية بتاعتى
وربنا يشفيلك خالتك ويشفيلى خالتى
انا كمان خالتى تعبانة وفى المستشفى بس للاسف مش هنا
دى قاعدة هناك فى امريكا عند ابنها
كنت اتمنى انها تكون فى مصر هنا واقعد جانبها
ربنا يشفى مرضانا جميعا يارب ويديهم الصحة
ترجعلنا بالسلامة يا فاتيما والف شكر على سؤالك يا حبيبتى
سلام
اختك خيخة
فبراير 16, 2009 @ 21:17:00
سلامتها الف سلامة
وفيكي الخير انك جنبها ومعاها
يعدلك في صحتك وعافيتك قادر يا كريم
يطعمك ما يحرمك
وبعد وصلة الشقاوة دي اقولك ترجعي بسلامة ومش عوزة شقاوات وحياه الغاليين عشان انا بس زمئانة شوية
واللى هيعمل شقاوات في الليلة دي مش هيطلع عليه صبح بقه
فبراير 17, 2009 @ 00:51:00
يارب يا فاتيما يشفيها ويعافيها وترجعي بألف سلامة
)))
بعدين هيه لما تشوفك بس لازم كل آلامها تخف…ربنا يجازيكي خير يا غالية
فبراير 17, 2009 @ 20:28:00
ألف سلامة عليها وربنا يقومها بالسلامة وترجع بيتها بكل خير وترجعى مدونتك بكل خير
فبراير 18, 2009 @ 16:55:00
الف سلااااااااامة عليها
وترجعى بالف سلااااااااامة
عووووووووو
فبراير 19, 2009 @ 00:12:00
الف سلامة طهور باذن الله
ترجعي بالف سلامة
فبراير 19, 2009 @ 11:04:00
:0(
انتى وحشتينى
وحاسه حاجات وحشه انك مش موجوده
ممكن تيجى بقى
فبراير 19, 2009 @ 13:59:00
الف سلامة عليها
بس انتى اتاخرتى اوى كده ليه
انتى ما صدقتى ولا ايه
لو مكنتيش هترجعى بسرعة هنتشاقى بقى و انتى حرة
وحشتنى
كان نفسى تكونى معنا يوم عيد الحب
فبراير 19, 2009 @ 22:57:00
فينك يا طمطم
خالتو لسه تعبانة ؟؟
ربنا يشفيها ويطمنكوا عليها وترجعلينا بقى بالسلامة
وحشتينا يا قمر والله
تعالى يلا
فبراير 21, 2009 @ 10:23:00
ألف سلامة عليها
ان شاء الله تقوم بالسلامة
وان شاء الله ترجعيلنا بقى عشان وحشتيني قوي
فبراير 21, 2009 @ 14:08:00
. .
. .
. .
. .
انا حعيط لحد مت اغرقلك البلوج
لو ماجتيش بسرعه الباركيه وورق الحائط حيبوظواا….
وحشتينى
فبراير 21, 2009 @ 20:41:00
مساء معطر بالورد والياسمين والحب والامل
ألف سلااااااااااااامه عليها
دعواتى لها
باذن الله تطمنى عليها وتقوم بالسلامه
يعنى يوم مااخطف دقائق واجى ازورك اجدك متغيبه لفتره
عموما وحشتنى وحتوحشنى
تحياتى لك وليوسف ياأرق القلوب
قلب دائما بيحبك
عرفاتك الساحره
فبراير 22, 2009 @ 07:07:00
الف سلامة للخالة ز\وربنا يديم المحبة.
نسعد بزيارتكم ونستفيد من رايكم
فبراير 22, 2009 @ 22:13:00
:0(
..
..
..
..
.
فبراير 22, 2009 @ 23:04:00
وكمان واحدة
..
.
..
.
.
فبراير 26, 2009 @ 12:27:00
ربنا يشفيها يا رب
و يقدرك على مساعدتها
مش كل الممرضات الجوداد زي ما بتقولي
تعالي بس الدمرداش وانتي تعرفي انهم متغيروش
بس كويس انهم هناك كويسين
ربنا يقومها بالسلامة
الله معكما
سلام عليكِ