تحديث
========
حكاية المسرحية إتأجلت يا جماعة
و التفاصيل بكل دقة عند وش الخير داليا قوس قزح
أنا سعيدة قوى أنى هشوفكم بكرة
و اللى مش هيقدر ييجى … ربنا يكرمه و يكرمنا
و نشوفه البؤجة الجاية
تحياتى و احترماتى
و قبلهم
حبى و فرحتى
سلام مؤقتاً
الكام يوم اللى فاتوا
لأ مش غنوة لطيفة …لأ
أنا قصدى يعنى الأيام اللى فاتت دى كانت كلها حاجات مفرحة
بجد
عندى سببين للفرحة
أولهم
الأسبوع دا واللى المفروض
أسميه أسبوع العودة الحميدة
ناس حلوة كتير رجعت لسماء التدوين تحلق من جديد و تنور الدنيا
بابا الغالى أبو المدونين
أبوخالد
اللى بيشيل فى نفسه ويقلقنا عليه
أحمد سكر
صاحب القلب الكبير اللى رعبنا
محمود خايف من الحقيقة
و
بطوط حبوب
و اخيراً العصفور الذى أرقه الحنين
حازم شلبى و احلامه الصغيرة
و فيه ناس طمنتنى ف بوست دفتر الغياب عليها زى
سمر الشافعى عندى امل
وزة أنين الحزن
ميومة البهية
و أتمنى ميغيبوش قوى و منتظرين بوستات العودة
و ما زالو
دودا هانم إمتداد عقلى فى العالم السحرى
غيدا مجرد كلام
معتز وجهة نظرى ببساطة
تقلانين علينا حبة او مشغولين وربنا يرد غيبتهم
لكن اللى حصل دا إدانى تفاؤل جامد أن الرابطة النفسية اللى جمعتنا مش واهية
و لا هيا مجرد خيط و سهل ينقطع
فرحت
السبب التانى المفرح
أنى هشوف ناس كتير منكم يوم الجمعة فى
و اللى إن شاء الله هيكون يوم جميل و مثمر بيكم
المكان خلاص بقى معروف مسجد زهراء مصر القديمة بالزهراء
المترو أسهل حاجة تنزلوا فى محطة الزهراء
و لو سألتوا على الجامع ألف واحد هيدلكم
و المعاد من 11 صباحاً لبعد كدا
كافة التفاصيل عند أصحاب الفكرة و الثواب بإذن الله
ألطف حاجة أن الولاد هناك هيقدمولنا مسرحية من تمثيلهم
و خلوا بالكم المسرحية هتبدأ الساعة 2ونص
و طبعاً تشجيعكم ليهم هيكون شىء مهم على الصعيد المعنوى
و على الصعيد المادى أى مبلغ مهما كان بسيط هيفرق جداً
و أى تبرعات عينية زى الهدوم او أى شىء تانى هيكون مفيد اكيد ليهم
و ليكم إنتوا كمان
أتمنى أشوف اكبر عدد منكم يوم الجمعة
و أحب أحذركم مسبقاً
أنا جايلك و ناويها على رأى الأخ حماقى
فقصر ….يعنى أنا هاجى من بدرى كالعادة
فياريت
متلطعنويش لوحدى فى الشمس بقى
لحسن ما يحصلش طيب
و تخلونى أنطر أحدفكم بالزلط اللى ف الصورة اللى فوق
و محدش يقولى هيوجعنى لأنه مكتوب عليه كلمة حلوة
هاه … بلاش سلبطة
ماشى
يلا أنا جايلك و ناويها
أشوفكم على ألف خير
يا مصدر أفراحى
سلام مؤقتاً
روح قلب ماما 
نوفمبر 24, 2008 @ 02:51:00
اول تعلييييييييييييق
ياااااااااااااااه
نوفمبر 24, 2008 @ 02:52:00
الثانى كماااااااااااااااان
هلعب بقا
نوفمبر 24, 2008 @ 02:53:00
حبيبتى فاتيما
ربنا يقدر الجميع على فعل الخير
ومش تنسوا تجديد النية
ياريتنى ااقدر اجى
الله المستعان
بحبك وانتٍ مبسوطة
ربنا يسعد قلبك
بحبك
🙂
نوفمبر 24, 2008 @ 04:12:00
عااااااااااااااااااا
ماليش دعوه انا عايزه آجي
طب ما تعدوا عليا تاخدوني
عااااااااااااااااااااااا ماليش دعوه برضه
نوفمبر 24, 2008 @ 05:19:00
سيدي يا سيدي
ربنا يكرمك وتفضلي مجمعة المدونين كده بكل خير
تحياتي يا ام يوسف يا عظيمة
نوفمبر 24, 2008 @ 06:26:00
ربنا يفرحك دايما و يزود فرحك عن قريب ان شاء الله
مش ناوين تعملوا اي تجمع في السعوديه يا جماعه الفتره مش معقوله كده يعني هوا علشان احنا بعيد عنكوا شويه مالناش نصيب و لا ايه :))
كنت اتمني اكون وسط الناس الجميله دي بس يالا اهي من ضمن ضرائب البعد عن مصر
تحياتي
نوفمبر 24, 2008 @ 07:16:00
وشى منك فى الارض لان وزة اساسا بتكلمنى وانا كلمت خايف من الحقيقه وكنت عارفه انه كويس عن طريق بابا ابو خالد
اممممممممم لا بقولك ايه من غير عض اصل مدونتك مكنتش راضيه تفتح فى الشغل عندى وكمان انا كنت مشغوله خالص علشان فرح اختى وتعب ملك كده يعنى
عموما وحشتينى
اه معتز وجهه نظرى مش عارفه عنه حاجه خالص خالص بجد والله
نوفمبر 24, 2008 @ 08:07:00
ربنا يقدرك دايما على فعل الخير و يديم عليكى الفرحه و الانبساط
نوفمبر 24, 2008 @ 10:34:00
هل هو من سو حظى انا كل ما ارجع من القاهرة يكون في الايام اللى بعديه تجمع بلوجري مش عارف بس واللة لولا طحنت الشغل انا كنت جاى بس لو قدرت حعملها واجى ربنا يسهل ان شاء اللة
ربنا يفرحك ويبسطك ان شاء اللة دوما يا طمطم
نوفمبر 24, 2008 @ 12:08:00
صباح الصباح
والجاااااااى اجمل من اللى راح
باذن الله
حمدلله على سلامة الجميع عودتهم لنا
وحمدلله على سلامتك انتى كماااان للمشاركة
وترجعى تنورى تجمعاتنا من تانى
وبعدين ينفع كده
البؤجة بتاعتك فين ههههههههه
على فكرة يوم الجمعة بؤجة الخير بس
والمسرحية اتكون فى يوم تانى
لارتباط الاطفال بعرض فى مكان اخر
تحياتى
نوفمبر 24, 2008 @ 13:20:00
الله ربنا يزيد الافراح فعلا فى ناس كتير هترجع وانشاء الله نرجع كما كنا
وربنا يقدرنا ونقدر نيجى
تحياتى لكى
نوفمبر 24, 2008 @ 14:07:00
ربنا يقدركم على فعل الخير
و عايز بقى وصف تفصيلي يحسسني اني كنت معاكم
نوفمبر 24, 2008 @ 14:13:00
اول تعليق هنا فى المدونة الجامدة اوى
ربنا يجمعنا على خيييييير
نوفمبر 24, 2008 @ 16:11:00
ربنا يجعل ايامكم كلها فرح ان شاء الله
د إبراهيم
نوفمبر 24, 2008 @ 16:48:00
ازيك يا أم يوسف
حمدلله علي سلامة كل اللي رجعوا
وأولهم بابا ابو خالد
واحسن شيء اننا هتجمع تاني لعمل الخير
وان شاء الله التجمع ده هيكون اكبر من تجمع اخر مرة
ويارب يا فاتيما تفضلي مبسوطة وفرحانة علي طول
نوفمبر 24, 2008 @ 20:11:00
ربنا يارب يفرح قلبك دايماُ
وان شاء الله تكتبي بوست قريب علشان تفرحينا بقى الفرحه اللي مستنياها يــــــــارب
نوفمبر 24, 2008 @ 20:15:00
السلام عليكم ورحمة
الله تعالى وبركاته
مش حاكدب عليكى واقول حاحاول اجى لان ده استحالة لكن حاقول انى بدعى لكى ولكل من يحاول يعمل اى خير ولو امر بالمعروف ونهى عن المنكر .ربنا يقويكم ويساعدكم وهو معكم دايما .ويديم عليك نعمة السعادة ياطمطم يارب ويفرح قلبك وقلب كل ام صابرة على فراق حبيبها وفلذة كبدها ربنا يجمع الاحباب
ياااااااااااااااااااااااااااااارب
نوفمبر 24, 2008 @ 22:12:00
يارب يديم عليكي الفرحه والسعاده يا فاتيما
ويارب كل الاصدقاء الغايبين يطمنونا عليهم ويرجعولنا بخير
كان نفسي ابقي معاكه بجد يوم الجمعه بس ان اشاء الله هاتتعوض كلها 6 اشهر فركه كعب هانت يعني
:):)
ربنا يجزيكه كل خير يا فاتيما وسلامي بالله عليكي للجميع
كل التحيه والتقدير ليكي يا فاتيما
نوفمبر 25, 2008 @ 00:06:00
ربنا يكرمك يا رب
ويفرحك كمان وكمان
نوفمبر 25, 2008 @ 01:19:00
فاتيما القمر كلة حب كبير فى قلبى ليكى بيوصلك يارب يكون بيوصلك
ربنايجمعكوا على كل خير يارب
وحمد الله على سلامة الكل ربنا يقدرك ياطمطوم على الخير يارب وحشتينى اوى خالص قلت لازم اعدى اديلك حضن وامشى
وحشتينى اوى
نوفمبر 25, 2008 @ 21:32:00
فرحتيني يا فاتيما بالروح اللي انت بتكتبي بيها
حسيت بفرحتك بجد و انا بفرح قوي لما بلاقيكي فرحانه
بس حسيت اني نفسي اكون معاكم قوي.. يارب انزل بقى اشاركم افراحكم
بجد نفسي
نوفمبر 25, 2008 @ 22:23:00
ما شاء الله مبسوطة يعني
ربنا يديم عليكي نعمة السعادة
ان شاء الله يبقه يوم اكثر من رائع
ويسعدك اكتر
نوفمبر 26, 2008 @ 03:05:00
إن شاء الله حيكون يوم جميل
وناجح بكل المقاييس
ونقدر نضيف البسمه على شفاه من كانت الدنيا ضدهم
وأنا جاي بإذن الله يا فاطمه فخلي بالك مني لأحسن أتوه
نوفمبر 26, 2008 @ 08:04:00
متجمعين فى الخير دوما
نوفمبر 26, 2008 @ 11:21:00
إن شاء الله في ميزان حسناتكم
ومع الأسف لظروف السفر
مش هقدر أكون موجود
وفقكم الله إلى مافيه الخير
إن شاء الله
وليد
نوفمبر 26, 2008 @ 15:07:00
فاطيماتاااااا
اكيد الواحد بيفرح من قلبه لما بيشوف كل الناس اللي بيحبهم وغابوا عنه يلاقيهم رجعوا واتلموا حواليه ساعتها بس وحشة وإغتراب النفس تدوب في رؤياهم
لذلك أدعوا لكي بعودة الغائب الحاضر وهي فرحتك الكبرى بعودة يوسف إن شاء الله
تحياتي
حسن أرابيسك
نوفمبر 27, 2008 @ 08:44:00
فاتيماااااااااا
غيرى غيرررررررررررررى بسرعة
المسرحية اتأجلت انا نزلت عندى انها اتأجلت
ربنا يسعدك كمان و كمان
و كان عندى حق لما سميتك صلة رحمة التدوين
انتى كده فعلا لانك مش بتنسى حد و بتقربى الناس لبعض و بتحاولى تخلى الناس تشارك فى افراح و هموم الاخرين
و احلى حاجة بقى فيكى و ربنا يدمها عليكى دايما انك عمرك ما قلتى كلمة على حد وحشة حتى مهما كانت الشكوى منه .. دايما اشوفك تقولى معلش يمكن له عذر
علشان كده دايما لما بتغيبى بقول نفس الكلمة دى اكيد لها عذر 🙂
ربنا يحميكى و يرد فرحة قلبك لكى يارب
نوفمبر 27, 2008 @ 08:47:00
بطوووووووووووط
وحشتيني موووووووووز
انا كان نفسي اسيبلك تعليق علي بوست اسكندرية لانك عارؤفه اني بحبها اوي انا كمان
بسانا ببقي في الشغل ومش بلحق يدوبك ببص عليكم كدا في السكرته
وحشاني يابطوط اوي
في بوسه وحركات
بحبك
وزة
نوفمبر 28, 2008 @ 00:12:00
على فكرة انا زعلان قوى انا كمان كنت غايب ومحدش سأل عليا ولو بكيس ملح
بس انا والله مش فاضى بكرة عندى حاجات كتير لازم اخلصها وكان نفسى اشارك وتعويضا عن ذلك هنعمل ان شاء الله يوم زى بؤجة الخير بمساهمتكم طبعا فى المنصورة واللى يحب يشارك فيه يشرفنا طبعا
ثانيا أنا جاى القاهرة بكرة فى حقل توقيع بمكتبة البلد للشاعر أحمد البندارى الساعة 6 يا ريت أتشرف بمقابلتكم
تحياتى للجميع وللمجهود الجميل
نوفمبر 28, 2008 @ 05:51:00
كان نفسى اكون معاكم اوى
بجد يا بختكم
وربنا يجعل اليوم ده فى ميزان حسناتكم
ويتقبل منكم صالح الاعمال
طمطم طبعا انا هاكلمك ان شاء الله
علشان انتى وحشتينى موووووووت
يلا سلام لحد ما نتكلم
نوفمبر 28, 2008 @ 21:44:00
السلام عليكم
ربنا يسعدك دايما ويتقبل منكم عمل الخير ..
ويجمعك بمن تحبين دائما وابدا ..
مهم جدا النية كما ذكرتك شيماء سمير
ربنا يتقبل منكم
تحيتي