إلى داليا و محمود و خيخة

داليا قوس قزح

و محمود رئيس جمهورية نفسى

و نوران بت خيخة و أى كلام

بياخدو قرارت تجاه التدوين

داليا بتسأل عن جدوى فكرة البؤجة و مشاعر البعض السلبية تجاهها

و محمود عاوز ياخدها من قصيره و يستقيل من عالم التدوين

أما خيخة بتقول التبرع بالدم بعد كدا هيكون كل واحد و ظروفه أفضل

أنا بطلب منهم حاجة بسيطة و متهيألى مش صعبة

ممكن تقروا التعليق دا بقلوبكم كما عودتمونى

التعليق جالى من

هنودة

الأسكندرانية القمراية اللى عايشة فى قطر حالياً

و كلامها كان تعليقاً على البوست الاخير منوريييييين

عارفة يا فاتيما ؟

كنت قريت البوست من الشغل و كانت معاى زميلتى

قريتلها مقتطفات منه و أنا حاسة بفخر كبير جداً ببلدى

و باللى بيحصل فيها و طباع ناسها و قلوبهم

حسيت بفخر أكتر و أنا شايفة تعبيرات وشها و إندهاشها و إعجابها الشديد

ما كانتش قادرة تصدق أن الناس هناك شاغلة نفسها بالخير للدرجة دى

و إنهم حاسين ببعض للدرجة دى

بقت مستغربة جداً أن حد فيهم يسافر لمسافات بعيدة زى اللى بين الغردقة و القاهرة

إستغربت أنكم ستات و رجالة و مفيش أى تجاوزات بتحصل

و إن فيه إحترام شاملكم

شرحتلها الاجواء دى بتكون إزاى و إيه طبيعة الأفكار اللى دفعتكم لده

حسيت ساعتها إن قيمة اللى بتعملوه كبيرة قوى

و حسيت إنى فرحانة جداً إنى منكم حتى لوكنت بعيدة

و إتمنيت إن يحالفنى الحظ و أحضر لقاء منهم إن شاء الله

سعيدة جداً بالبوست و ملانى دموع فخر

و حب

و فرحة

و حنين

————–

مش بس هنودة … يا ريت كمان تقروا تعليق حسن أرابيسك اللى بعده

و أغلب التعليقات يا جماعة

هتعرفى يا داليا اد إيه فكرتك مؤثرة و مدى إحترام الناس ليها

و هتصدق يامحمود إن المدونات مليانة ناس جميلة اكتر ألف ضعف من الوحش

و هتعرفى يا خيخة الفكرة الصادقة بتجمع القلوب حواليها أزاى و متتخليش عنها

عشان خاطرى

لا تخذلونى أنا و كل القلوب الحلوة دى

بس كدا

صافية أراك يا حبيبتى كأنما كبرت خارج الزمن

و حينما إلتقينا يا حبيبتى

إيقنت أننا مفترقان

و أننى سوف أظل واقفاً بلا مكان

لو لم يعدنى حبك الرقيق للطهارة

فنعرف الحب كغصنى شجرة

كنجمتين جارتين

كموجتين تؤامين

مثل جناحى نورس رقيق

عندئذ لا نفترق

يضمنا معا طريق

يضمنا معا طريق
صلاح عبدالصبور