يوسف
لما تكون ماما معايا فى الشارع و بتندهنى وسط الناس
————————-
يسوووووفاااا
لما تكون ماما مبسوطة منى عشان عملت حاجة كويسة
————————–
يسوفتى
لما تكون ماما عاوزانى ألم اللعب او أبقى مؤدب و أسمع الكلام
————————–
يوسفى
لما تكون ماما عاوزة تقولى إنى يوسف بتاعها مش أبن حد تانى
بس بتقولها باللغة العربية
————————–
يا مجرم
لما تكون ماما عاوزة تعرفنى إنى ذكى و بطلع أفكار عبقرية
————————–
يا بابا
لما تكون ماما بتقنعنى منشتريش لعبة أو منروحش حتة عشان مينفعش
—————————
يا زفت
لما تكون ماما متنرفزة منى و بتزعقلى عشان عملت شقاوات
————————–
يا قطتى
لما ماما تكون بتصحينى من النوم و انا مش عاوز اصحى دلوقت
————————–
يا بسكوتة
لما تكون ماما خلاص هتنام و عاوزانى آجى فى حضونتها
—————————
يا توتة
لما تكون ماما عاوزة تدلعنى او تاخد منى بوسة إذ فجأتن
—————————
يا حبيبى
لأ .. دى ماما بتقولها طول الوقت
روح قلب ماما 
فيفري 03, 2009 @ 23:46:00
ربنا يخلهولك يافاتيما
ويبارك لك فيه
انا زعلانه منك قوى
لانك مش رديتى ولا زياره لى
انا مش باطلب من حد يزورنى غير الناس اللى باحب كلامهم واحب اتابعهم
ان شاء الله يوسف يرجع لك بالسلامه
فيفري 03, 2009 @ 23:52:00
ان شاء الله ربنا يرجعة ليكى فى القريب العاجل وتستمعوا بالقاموس الخاص بيكم
فيفري 04, 2009 @ 00:04:00
عاشقة الرومانسية
أوعى يا دودو
هوه أنا أقدر ؟
رديت الزيارة أهو و متزعليش
و ميرسى على الدعوة
تحياتى ليكى من قلبى
رئيس جمهورية نفسى
محمووووود
ازيك يا أخى الغالى
يا ريت .. وحشنى كلامه قوى
و اكيد إتعلم حاجات جديدة
و مش عاوزة أفوتها
سلاماتى و إحتراماتى يا ريس
فيفري 04, 2009 @ 01:01:00
اللهم يامن رفعت السموات بغير عمد
اللهم يامن ارسيت الجبال بلا وتد
اللهم يامن أمره بين الكاف والنون
اللهم يامن وضعت كل هذا الحب لأبنائنا بين حنايانا
اللهم ياربي يامنجد الغريق ومنقذ التائه
اللهم باسمك الأعظم الذي اذا دعيت به اجبت
اللهم انا ندعوك الواحد الأحد الفرد الصمد الذي لم يلد ولم يولد ولم يكن له كفوا أحد
اللهم أجمع شملها بابنها بقدرتك التي خلقت السموات السبع والأرضين السبع في سته ايام
ورحمتك التي وسعت كل شيء
وصلى اللهم على سيدنا محمد وعلى آله وصحبه وسلم
كنت ناوية اقلبها معكي ضوحك وأقولك انا كمان اسامي عفرتو بس معرفتش عيطت لما خلصت أصلي أم وعارفه وحاسة فيكي أيه
ربنا يراضيكي وينزل على قلبك سكينة وأمنا
بحبك من غير ما اشوفك
فيفري 04, 2009 @ 01:11:00
مصطلحات زكيه حلوة الشفرة دي
إن شاء الله يرجع في حضنك تاني وتعملوا مصطلحات جديدة
فيفري 04, 2009 @ 01:20:00
حدثنا عمر بن حفص الشيباني أخبرنا عبد الله بن وهب قال أخبرني حيي بن عبد الله عن أبي عبد الرحمن الحبلي عن أبي أيوب قال سمعت رسول الله صلى الله عليه وسلم يقول من فرق بين الوالدة وولدها فرق الله بينه وبين أحبته يوم القيامة قال أبو عيسى هذا حديث حسن غريب .. في سنن الترمزي
ايه رأيك في الحديث ده يصبرك شوية ولا لأ
والغريب هو ما روي من طريق واحد وليس طرق متعددة وده زي حديث انما الأعمال بالنيات اللي في أول البخاري
فيفري 04, 2009 @ 07:05:00
طيب وامتى يوسف افندى
تقوليها له يا رب لما يكبر كده وتشوفيه حاجه كبيره حلوة زى ما بتتمنى
فيفري 04, 2009 @ 08:04:00
حلوه اوي فكره البوست ده
فيفري 04, 2009 @ 11:00:00
انا في انتظار بوست كامل عن اول لقاء بعد الغياب وقريبا بمشيئة الرحمن
فيفري 04, 2009 @ 11:28:00
تصدقى فكرت اعمل حاجة مماثلة لكلام الاولاد فى مدونة منفصلة
=========
ربنا يجمعك به ان شاء الله
فيفري 04, 2009 @ 14:23:00
ربنا يخلهولك
فيفري 04, 2009 @ 15:34:00
ربنا يرده ليكى فى اقرب فرصة
وتكملى باقى المصطلحات
وتقوليله يا باشمهندس او يا دكتور او يا استاذ يوسف
ربنا يخليكوا لبعض وما يحرمكوش من بعض ابدا قادر يا كريم
تحياتى
فيفري 04, 2009 @ 18:27:00
إبنك بيبني إسمة بالفرحة جوّاكي
بين ألف مليون حاجة موجودة ويّاكي
في البعد فارق و بعد القرب راح يفرق
إيه راح يكون إسمه وودانه سمعاكي ؟
و عجبي
KING TOOOT
فيفري 04, 2009 @ 23:27:00
عارفة ايه ده?
ده كلام بيبين قوي قد ايه يوسف عايش معاكي لحظة بلحظة
بيبين قد ايه بتشوفي كل حاجة حواليكي و خلال يومك و بتدوري فيها على أي علاقة بينها و بينه
حتى ازازة الشويبس
وأكيد حاجات تانية كتير عمر ما حد يتوقع انك حاتمسكيها و تشكليها بين اديكي وتطلعي منها حاجة ليها علاقة بيه
حتى ولو حرف
ده لو حد عنده حسنة تشبه حسنة فحتة مستخبية فيوسف حاتحبي الحد ده عشان شبه يوسف
انا قريت كل ده جوة البوست
اللي يمكن تكوني بتكتبيه و انت متأكدة إن فيه حاجات جواكي البوست ولا تطرق ليها
لكن كلامك عنها من بعيييييد فيه شفافية وصّلتني دغري على اللي بيحصل جواكي يا فاتيما
أكيد برضه ماحستهوش بالضبط بالضبط لإن ماما بتقولي عمرك ماحتعرفي احساس الام عامل ازاي غير لما تجربيه
وأنا مقتنعة تماما بكده
بس مش عارفة ازاي كلامك عن يوسف بيحسسني كإني جربت الاحساس ده قبل كده
طبعا انت عارفة ازاي كلامك عنه خلانا كلنا نشوفه و نتعود عليه و نحفظ كلامه و تصرفاته وملامحه كمان
بس تعرفي
كل ما كلامك يخلي يوسف يوحشني و الاقي قلبي متعلق قوي بامنية رجوعه أقول أمال فاتيما بقى حاسة بايه
يااارب
فيفري 05, 2009 @ 08:15:00
يا جامد
:):):):):):)
ربنا يجمعكم ببعض قريبا يارب ويرضى عنك
على فكرة كنت نفسي اشوفك في المعرض واسلم عليكي لكن خيرها في غيرها ان شاء الله
ربنا يرضى عنك ويرضيكي برضاه يارب
كل الود
فيفري 05, 2009 @ 12:06:00
ستيتة حسب الله الحمش
و بعدين يعنى !!
طب أنا قولت البوست دا مش هيقلب بنكد
تقومى تعيطى يرضو يا ستيتة ؟؟
يا حبيبتى قلبك حنين و فيه الخير
و ربنا يستجيب لدعائك يا رب
يا رب
أول مرة أقرى الحديث اللى كتبتيه ده
لكن ممكن و ببساطة أقتنع بكل كلمة فيه
لأن اللى يبعد ام عن إبنها لازم ربنا يدوقه من نفس كاس العذاب
عاوزة الصراحة يا ستيتة
و الله متفرق معايا اللى عذبنى يتعذب و لا لأ …
مش هقولك أنى ملاك
بس بجد لو يوسف فى حضنى مش هتفرق معايا حاجة تانية
هيبقى دا كفاية عندى و مش مهم حدا تانى بيجراله إيه و لا ربنا عمل فيه إيه
متحرمشى منك أبداً و لا من دعواتك
دمتى بكل الحب و الخير اللى فى الدنيا كلها
جعلونى مريضا نفسياً
ميرسى يا هشام
و هوه يرجع بس و أن اهريكم مصطلحات و لا عبدالحميد الصحاح شخصياً
$$ appy $$
يوسف أفندى رفعنا العلم لو سمحتى يا بيبى
يسمع منك ربنا يا آلى و أشوفه حد كويس فى الدنيا
بوسة و حضونة يا قمر التدوين كله
محمد مفيد
منور يا أستاذ محمد
تعليقاتك دى بحس إنها زى صقفة كبيرة من حد منسجم و عاجبه الحكاية
و بسعد جداً بمجييك
دمت بكل الخير و السعادة
خايف من الحقيقة
محموووووووووود
إن شالله ما تحرم منك ابداً
و لا من طلتك عليا
أنا مكتبتش إسمك فى دفتر الغياب اهو
عشان عارفة إنك بتطل من بعيد و كل ما تقدر تدخل تعلق .. بتعمل كدا
معاك و بنتظر بوست العودة زيك
بس إمتى إنت ترجعلنا ببوست جديد ؟
وحشتنا و وحشنا كتاباتك
و ست الناس و العيال وحشونا
سلامى الكبير ليهم
و ليك يا عزيزى
خالص ودى و إحترامى
فيفري 05, 2009 @ 12:23:00
الطائر الحزين
طب يالله إيه اللى معطلك
دول عليهم مصطلحات تجنن
أعملها عشان تقعدلهم و لما يقروها يشوفوا جزء من ماضيهم و كمان يشوفوا حبك ليهم ما بين السطور
تعرف لما بشوف ألبومات الصور بتاعتنا و بسمع شرايك كاسيت لبابا مسجلهالنا و إحنا صغيرين بفرح قوى
و بحس بحبه لينا كان ازاى
يلا شد حيلك يا إيهاب و هكون من اوائل الزائرين و المشجعين
تحياتى و ودى الخالص
البت المشمشية حلوة بس شقية
و يخليكى يا حبيبتى
همس الاحباب
من بوقك لباب السما يا خالد
و يا دكتور يا باشمهندس يا استاذ
أى حاجة
المهم إن يوسف هيكون مرتبط بيها و كفى
تحياتى و ودى يا خالد
king tooot
يا راعى الملك
كانت وحشانى رباعياتك قوى
قوى
قوووووى
و الحمدلله قريتها من تانى
و متحرمشى منك أبدا
سلامى لبوبو و عمر
hanooda
يا بنتى غحنا نشبه بعض فى حاجات كتيييير قوى
عشان كدا لما كل واحدة فينا بتكتب حاجة ..التانية بتقراها بإحساسها قبل عينيها
فيه خط ما بينا ..خط خفى كدا
ربنا ما يقطعه أبدا يا رب
عشان كدا إنتى بتقرى اللى جوا السطور مش اللى بينها و بس
بكرة ربنا يرزقك بيوسفك إنتى
و هتكونى ام عظيمة يا هنودة
عشان إنتى يا بنتى بتدوبى حب و حنان و إحساس و رقة
و الاطفال محتاجة فى الدنيا الأربع حاجات دول
تحبيهم يجد مش لأنك ام و دا واجبك
وتحسى بيهم و بكل حاجة تخصهم
و تحنى عليهم و متبقيش قاسية و جافة قى مشاعرك
و تكونى رقيقة فى معاملتهم عشان ميبعدوش عنك و يحسوا بالغربة
و إنتى مش ناقصك حاجة من دول
و ترجعى بألف سلامة يا حبيبتى
فى إنتظارك
صاحب المصيفة
أنس
بتهرج غنت كنت هناك يوميها ؟؟!!
عاااااااااا
لأ مليش دعوة
ازاى الكلام دا يحصل و أنا معرفش ؟
طب المرة الجاية لازم دا ميحصلشى
عجبك البوست صحيح ؟
الحمدلله
رأيك يهمنى متصورش قد إيه
و لا متصور ؟
لازم تكون عارف غلاوتك عندى
هاه
عقبال ما أشوف يوسف زيك كدا و اتشرف بيه أكتر و اكتر زى ما بتشرف بمعرفتك
و يلا هتفرحنا فيك ..قصدى بيك أمتى بقى
ربنا يتمملك على خير و يوعدك بالفرح كله
تحياتى و خالص دعائى ليك بالخير
فيفري 05, 2009 @ 18:16:00
انا قريت البوست من اول ما نزل بس مش كان عندي اي كلام ولا حتي دلوقتي عندي كلام اقولة
بس مش قدرت امشي من غير ما تعرفي اني جيت وقريت وحسيت كل كلمة واتخيلت وش يوسف وانتي بتندهيلة بكل اسم من دول
ربنا يكرمك يارب ويرده ليكي سالم غانم معافي بإذن الله
فيفري 05, 2009 @ 19:28:00
عارفه يا فاتيما
اقولك على حاجه .. انا في مواضيع قليله باقراها والاقي نفسي بعد ما خلصت قراية .. مبتسم كده ونفسيا مرتاح
الموضوع ده من الحى المواضيع دي
ربنا يارب يرجعلك يوسف ويجمعكم ببعض في كل الخير يارب
ملحوظه
هدى رينبو ماعرفش عنها حاجه .. قافله مدونتها وجيت حاولت اتصل بيها لقيتها غيرت الرقم او قافلاه .. وكمان مشيت من عالفيس بوك عندي
لو عرفتي عنها حاجه طمنيني الله يكرمك
وسلامي لماما وقوليلها كل سنه وانتي طيبه
سلاموووووووووووز
فيفري 05, 2009 @ 21:41:00
اللللللله ربنا يحفظهولك يا طمطم يارب ويخليكي ليه وحشاني على فكرة جدا ياتومة ربنا يحبب فيكي خلقه يارب
فيفري 06, 2009 @ 06:15:00
فاتيما ياحبيبتى
الموسيقى اللى عجبتك على مدونتى دى لولاكى ما كنت حطيتها
كان نفسى انزل موسيقى على المدونه
ومش كنت اعرف الطريقه
ولقيت على المدونه بتاعتك الطريقه ونفذتها
ان جيتى للحق عذبتنى اكتر من 3 ساعات بس فى النهايه نزلت الحمد لله
وكنت عايزه اشكرك
بس بصراحه كنت فاقده الامل انك تزورينى فى مدونتى
ولما لقيت تعليقك على البوست الاخير فرحت قوى
بحبــــك يا اجمل فاتيما فى الكون
فيفري 06, 2009 @ 06:22:00
السلام عليكم ورحمة الله وبركاته
نتقدم بدعوي لك أخي ( أختي ) المدون بمناقشة
محاكمة عادلة
مبارك بين التأييد والرفض
ملف يناقش ويحلل ويضع الحلول
رائيك يهمنا جدا
مع خالص تحياتنا الكتيبة السياسية
فيفري 06, 2009 @ 08:29:00
فاطمه أو فاتيما
أم يوسف
عارفه
أحنا بنعيش مع الى بنحبهم
مش بس لما بنشوفهم
لاء, ده حتى لو هما بعيد عننا
يعنى مثلا
أنا أمى جوايا
صدقينى فى كل لحظه ونفس وحركه
بأشعر كأنها بتتكلم بلسانى وبتشوف بعنيا وبتحس بكل الى بيمر عليا
الله يرحمها
أنى أدعو الله تعالى أن يربط على قلبك
أنظرى سورة القصص
بسم الله الرحمن الرحيم
وَأَصْبَحَ فُؤَادُ أُمِّ مُوسَى فَارِغاً إِن كَادَتْ لَتُبْدِي بِهِ لَوْلَا أَن رَّبَطْنَا عَلَى قَلْبِهَا لِتَكُونَ مِنَ الْمُؤْمِنِينَ{10}
صدق الله العظيم
ما ظنك يا فاطمه بالله اليس هو العدل
اليس هو الرحمن الرحيم
يوسف يا فاطمه فى قلبك وملو كيانك
أنى ادعو الله تعالى أن يرزق والده البصيره ليفهم ويعى أن الله عدل
وأن الحق أحق أن يتبع فالدنيا موقف ولحظه والعبره بختام الاعمال فلا يغرك بالله تعالى الغرور
محمد
شوية كلام
مشاعر وأفكار
فيفري 06, 2009 @ 22:25:00
هاقول ايه
زى كل مره ..بتلمسى قلبى يا فاطمه و بادعيلك منه كل ما اقرالك
فيفري 06, 2009 @ 22:30:00
ازيك ياكتكوتة قلبى بجد وحشانى ونفسى اشوفك
وايه ياعم المصطلحات التمام دى
ربنا يقرب البعيد ويلم الشمل ان شاء الله
بس على فكرة وحشانى اوى
تحياتى لكى ياقمر واشوفك دايما فى احسن حال يارب وفى سعادة وهنا
فيفري 06, 2009 @ 22:46:00
يعنى هو عشان يوسف روح قلبنا كلنا اسكت يعنى ع المخالفه الكبييييره دى؟؟؟؟
شويبس مقاطعه يا ست هانم
وبعدين يوسف حبيبى كبر شويه
يعنى القاموس مينفعش يبقى دلوع اوى كده
دا انا خلاص حخطبله…
ربنا يخليه ويبارك فيه
ويفرح قلبك بيه..
بس تغيرى الصوره مفهوم؟؟؟
بكره حفل توقيع مى …
مفاجأه حلوه يا ترى حتفاجئينى بوجودك؟؟؟؟
فيفري 07, 2009 @ 04:19:00
المشكلة ببقى عاوز اسجل الخاجة ى ساعتها
من فترة لم تزروى المدونة (!!!)
فيفري 07, 2009 @ 14:21:00
حبيبتى فاتيما وحشانى جدا وهتصدقينى لو قلتلك نفسى اشوفك واحكيلك انت بالذات
عارفة يمكن اتقل عليك بس حاسة ان كل ألم هيدوب لمجرد انك هتسمعينى حصلتلى حاجات كتير ومازالت بتحصل
وحشتينى وربنا يطمن قلبك على يوسف يارب ويرجع لحضنك ويدفيه
فيفري 07, 2009 @ 15:28:00
فاطيماتااااااا
ليس بشئ صعب أو محال
الله سبحانه وتعالى قادر على كل شئ
ومانراه اليوم بعيداً قد يكون في الغد إن شاء الله قريباً بين يدينا نهنأ به
هذا البوست حرضني على اني أدعبث تاني في حاجات والدتي الله يرحمها كتبها وخواطرها يمكن أعثر على قاموس زي اللي عندك ده ليوسف
حابب ألاقي القاموس ده وأشوف والدتي الله يرحمها كانت بتقول ايه في كل الحالات دي..وجعتي قلبي وقلبتي عليا المواجع
الله يسامحك
تحياتي
حسن أرابيسك
فيفري 07, 2009 @ 22:53:00
وومن
ميرا يا حبيبتى
متتعبيش حالك بالتدوير على كلام
ساعات السكوت بيبقى أبلغ من أى حديث
و متحيريش روحك يا ست البنات
ميرسى على الدعوات الطيبة
و سلمى على خطيبك
soooo
أنا قربت احسد روحى يا سوووو
بقالك كام بوست منورنى و خايفة أنشنى عين و لا حاجة …
يا رب كل حاجة اكتبها تخليك مبتسم و مرتاح …
و للأسف إيميل هدى كان معايا و مرة واحدة لقيته إتمسح من عندى معرفش إزاى …
شيماء سمير برضو مش عارفة توصلها و يا رب لو كانت لسه بتدخل عندنا تقرى و تعرف إننا قلقانين و يا ريت تدخل تطمنا بأى كلام
يا رب دا يحصل و قريب
تحياتى يا عزيزى
قلب ينبض بالحب
ميرسى يا حبيبتى على الدعوة
و يا ريت اكون على قدر محبتك دى
حبى و ودى يا عزيزتى
عاشقة الرومانسية
معلش يا عاشقة
هيا متعبة حبتين بس معلشى أهو احسن من مفيش
بس بجد ذوقك هايل فى إختياراتك للموسيقى
و عدم مجييى بيبقى غالباً لأنى بعمل حاجة تانية ..بنزل بوست جديد …بدور على حاجة فى النت
كدا
لكن اوعدك متأخرش عليكى
ميرسى يا حبيبتى على مشاعرك الجميلة دى
و خالص حبى و سلامى ليكى
فيفري 07, 2009 @ 23:03:00
الرابطة و بناء الامة
نورت المدونة
و تحياتى ليكم
محمد
كالعادة يا أستاذ محمد
كلماتك الطيبة تنزل السكينة على قلبى
ربنا يكرمك و يخليك
و يا رب
يا رب يكرمنى فى يوسف
عشانه و عشانى
و عشانكم إنتم كمان
و زى ما بحلم باليوم اللى يرجع فيه لحضنى
بحلم كمان بيوم ما اجيبه معايا تشوفوه و تضموه لحضنكم و تشوفوا ثمرة صبركم و دعائكم لينا
دمت بكل الخير اللى فى الدنيا
و ربنا يرحم الوالدة و أمواتنا جميعاً
mohra
وحشتينى يا مهورة
إنتى غطسانة فين يا بنتى
و زى كل مرة هقولك ..قلبك فيه الخير كله
و متحرمشى منك يا حبيبتى
رئيسة حزب الاحلام
أزيك إنتى يا لولى
أنا كتكوتة برضو يا شيخة ؟؟
اومال إنتى تبقى إيه؟؟
دى مصطلحات العيال و جمالهم الذى لا يذبل يا سلوى
و عقبالك يا حبيبتى لما تعملى قاموس لعيالك بس و هما قريبين و ميبعدوش أبداً
يا رب
تحياتى يا حبيبتى و لسحورة و سالى كمان
dodda
يا فندم دى صورة من النت و أنا أستجرى أشتريها و المقاطعة شغالة ؟؟
بس مش هقدر أشيلها يا دودا …
دى عليها إسم من أسماء الدلع بتوع يوسف و إنتى ميرضيكيش يعنى
فوتيها المرة عشان خاطر يوسف
أنا جيت و أثبت حضور بالبوست الجديد
يا حبيبة الروح و عقبالك يا رب
بوسة و حضونة ليكى و لميومة
فيفري 07, 2009 @ 23:16:00
الطائر الحزين
يا إيهاب غنت إنوى بس و الكلمات هتتدفق
و خلى ام البنات تساعدك و تفكرك
لو عندك عداد هيقولك إنى باجى عندك علطول و تقريبا كل بوست
بس ساعات مبلقيش كلام أقوله
او بحس إنى هقول كلام محبط و يدى إنطباع مش حلو …
يعنى بوست الرضا كنت فى حالة وقتها مش لطيفة و كنت هدخل اكتبلك تعليق من وحى عدم رضاى اللحظى عن الدنيا و الناس و بعدين قولت أهدى أحسن و ألم التعابين بقى …
لحسن تفتكرونى فى حالة سيئة كدا علطول
أصل كلمة فى سرك و محدش واخد باله
و بناء على تجربة شخصية معايا و بقالها أكتر من 35 سنة
الستات دول بحالات ..و ربنا ما يوريك اوقات اللخبطة بتاعتهم بقى …
أرجو إنك متكونش زعلان منى
اصدق تحياتى يا طائرى الحزين
دكتورة إيمان فوزى
اخيراً يا إيمو حنيتى علينا و جيتى
ألف حمدلله على السلامة يا جميلة
و مبروك على المدونة الجديدة
إنتى كمان وحشتينى قوى قوى
و بفكر آجى اطب عليكم فى الكلية عشان أشوف تغريد كمان اللى اكيد هيا زعلانة منى لأنى بعيدة الأيام دى و مش بعرف اكلمها …
يا ريت تسلميلى عليها لحد ما اتفق معاها و أجيلكم يوم تكونى موجودة فيه
و ليكى منى بوسة و حضونة جااااامدة
يا حبيبتى
سلام مؤقتا بقى
حسن أرابيسك
يا فنان يا كبير يا منورنى دايما بكلامك
و مساندتك
أنا مقلبتش عليك المواجع و لا حاجة
إنتا اللى الوالدة الله يرحمها وحشاك قوى الأيام دى و بتفتكرها من اى لمحة
و لا كلمة …
عموما أتصور إن قاموسك هيكون فيه حاجات احسن من قاموسى ميت مرة
لأن امهات زمان دول هما المادة الخام للحنان مش زى دلوقتى الف حاجة بتغلوش على أمومة الواحدة و بتخليها ناقصها كتير …و مش عارفة تكون ام كاملة زى ما المفروض يكون …
خالص تحياتى يا فنان يا كبير
و ترجع بالسلامة