فى البداية كدا كل سنة و إنتو طيبين و بألف خير و أتم صحة
الصورة
دى متصورة من زاوية جانبية فى المخزن اللى حوى بين حيطانه
شنطكم و بؤجكم بتاعة يوم الخير اللى فات …
أنا حبيت أنشرها عشان أفكر اللى حضروا
و كمان عشان أفكر نفسى …
كنت اتمنى لو كل واحد فيكم شاف الصورة دى لايف
كان المنظر يفرح و الشنط عمالة تتستف فوق بعضها و تملا الفراغ
حاجة بصراحة تفرح
و ربنا ما يقطعها عادة
التنويه
للبنات و الستات اللى ناويين ييجوا التجمع الحريمى بتاعنا
يوم الجمعة الجاية
التفاصيل متهيألى خلاص عرفتوها
يوم الجمعة من عشرة الصبح
فى نادى الزراعيين بالدقى
قصاد البوابة 7 لنادى الصيد
أقرب حاجة المترو محطة الدقى و تركبوا اى تاكسى و تدوله تلاتة جنية يا دوب
البت خيخة عاملة جايزة للى هتيجى قبلى
و أحب احذركم
محدش هياخد الهدية دى غيرى … هاه
جدول الأعمال حتى الآن يقتصر على موضوعين أساسين
أولاً : الاحتفال بعيد ميلاد قمر التدوين كله آبى هانم بتنجانى
كل سنة و إنتى طيبة يا قمر
ثانياً : الرغى و البعبعبة و تغيير الجو
خيخة حاطة نمرة موبايل فى مدونته عشان اللى مش هتعرف السكة كويس
تبقى تكلمها
و مزيد من التفاصيل عندها
التحذيرات
بأه … أحب احذر الناس إنى مش هكتب بوست عن الموضوع دا
عشان محدش يستناه
أصل بصراحة المود مش تمام الأيام دىو معنديش رغبة فى كتابة اى حاجة
و عاوزة أشكر كل اللى دخل و عايدنى و اللى ساب تعليقات
على البوست اللى قبل اللى فات و اللى فات
و محدش يزعل منى لأنى مردتشى عليهم لأنى زى ما قولت ..
أيوه صح تمام
المود مش تمام الأيام دى … فياريت محدش يتضايق منى
ويفتكرنى مش مهتمة
تحذير تانى للبنات يوم التجمع ..لو لقيتونى كئيبة …معلش
…أنا كنت بفكر مجييش
بس رجعت و غيرت رأيى ..قولت دا عيد ميلاد آبى و ميصحش ..
و كمان دوبا و شاهى جايين
ويمكن ناس جميلة تانية متوقعة مجييها تحضر .. فعيب قوى عليا
بس قولت اديكم فكرة يعنى عشان محدش يتخض
يلا
أشوفكم على خير إن شاء الله
روح قلب ماما 
ديسمبر 09, 2008 @ 22:20:00
كل سنه وابى طيبه هههههههههههه انا يعنى مش مهم بقى كل سنه وانا اي حاجه وفى وسطكم يا رب كل سنه وانتى طيبه يا طمطم يا رب وبعدين انا محضره مفاجاه تجنن لا تقلقى هتموتى من الضحك ما انتى عارفه المقالب بتاعتى انا وخيخه ابقى امسكي نفسك بس
شكرا على الصوره جميله ربنا يجازيكي خير انتى وكل اللى شركوا يا رب
ديسمبر 09, 2008 @ 22:33:00
طبعاً بما إن الموضوع حريمي فحت
فانا مليش اي تعقيم عليه
بس السؤال اللي واقف في زوري و بقالي يومين عمال أكلم نفسي و أسأله لها
لما تبقي قافلة التعليقات
أعيّد عليكي أنا إزاااااااااااااي
يا طمطم ده أنا كان فاضلي شوية و أشد في شعري
عاوز أعيّد عليكي و مش عارف
و كل شوية أقول يا واد يا أبو النجاجير هتنزل بوست جديد بتعليقات مفتوحة
يا واد يا أبو النجاجير هتفتح التعليقات
لغاية ما كنت هولّع في النجاجير و أبوهم
كل سنة و انت طيبة يا طمطوم
و يااااااااااارب يا رب يا رب يحققلك كل اللي في بالك و ينوّلك مرادك يا رب
و يردلك يوسف على الحال اللي انت عاوزاه و ترضي بيه في أقرب وقت ممكن
و تفرحي من جوا جوا جوا قلبك بجد
و تفرّحينا معاكي ليكي يا طمطوم
ربنا يريّح قلبك و يروّق بالك يا أختي
ملحوظة
ما منعنيش يوميها غير الشديييييييد القوي
و نونا و عسقول عارفين
تصدقي بالله يا طمطم عاوز أكتب ” يلا سلام ” و أمشي و مش عاوز
بس لازم
كل سنة و انت طيبة يا فاتيما
يلا سلام
ديسمبر 09, 2008 @ 23:49:00
حبيبتى
وحشتينى
وحشنى حضنك الجميل
ربنا يكرمك
ويعزك
وعيد سعيد
وكل سنة وابى طيبة
بحبك
ديسمبر 10, 2008 @ 00:10:00
اولا كل سنة وانتي طيبة وربنا يجعله عيد سعيد عليكي والسنة الجاية تكوني على عرفات ان شاءالله
وكل سنة وآبي طيبة وعقبال 98 سنة ان شاء الله
وجزاكم الله خير على العمل الجليل اللي بتقوموا بيه ده فعلا وربنا يساعدكم ويجعله مستمر
وبس اتبسطوا في التجمع النسائي ده وارغووووا كتييييير
تحياتي
ديسمبر 10, 2008 @ 00:31:00
كل سنة و انت طيبو آبي طكمان طيبة
اكيد عارفة بكون حاسة بايه و نفسي فايه لما بتتكلمي عن تجمع من دول
قلبي معاكم و ابقي افتكريني
أحسن حاجة انك رجعتي فكلامك وقررتي تروحي
اللي بتعملوه ده أكبر من اي مود ممكن يمنعك منه
ده غير ان اكيد التجمعات ده حاتغير المود ده ولو همسة و يمكن بعدها تلاقي الكلام اتدفق جواكي و حكيتي لنا كل حاجة
يارب يعدك يا فاتيما زي ما بتسعدينا ويارب يجمعني بيكم قريب انشاء الله
احضانا بتوسع اي مود و اي حالة ممكن اي حد فينا يكون فيها..
ديسمبر 10, 2008 @ 00:39:00
بقه كده
بتعملوا تجمع تدويني نسائي فقط
مااااااشي
أنتظروا قريبا اللقاء التدويني الرجالي ,
وطبعا كل سنه وآبي بخير
وعقبال مليوووون سنه
بس برضو مش حتنازل عن اللقاء التدويني الرجالي هههههه
سلاااااااااام
ديسمبر 10, 2008 @ 01:06:00
اكيد لاوم اجي يا فاتيما
ان شاء الله هبزل قصاري جهدي اني اجي خصوصا عشان عيد ميلاد ابي ان شاء الله
ربنا يسعد و يقر عينك باللي في بالك و يريح قلبك
ديسمبر 10, 2008 @ 04:12:00
كل سنة وانتى طيبة يا فاتيما
و ان شاء الله الموود يتغير و يبقى اجمل
شكرا على الصورة الجميلة
تسلم ايد داليا عليها جزاها الله كل خير
اما عن يوم الجمعة فحاول اجى بس مش اكيد لان جوزى مسافر فى نفس اليوم
فربنا يسهل و اقدر ازوغ منه
و كل سنة و ابى طيبة و سعيدة
ديسمبر 10, 2008 @ 04:41:00
كل سنة و انت طيبة و اقرب الي الله
ديسمبر 10, 2008 @ 09:32:00
كل سنه وإنت طيبه يا جميلة المدونات
عيد سعيد عليك
والعيد الجاي يكون معاك يوسف إن شاء الله
بس ساعتها أوعي تشتكي من شقاوته زي حالاتي
ديسمبر 10, 2008 @ 11:06:00
كل سنة وانتى طيبة
ويارب دايما متجمعين فى الخير يارب أمين
والحب كمان
وكل سنة وابى الجميلة بخير
وتحياتى لكى ياقمر
ديسمبر 10, 2008 @ 16:59:00
$$ APPY $$
كل سنة و إنتى طيبة يا حبيبتى و فى وسطنا منورة دايما
مفأجاة إيه أنا بخاف من الحاجات الفجأة دى
أوعى تكونى هتجيبلنا معاكى خروف بمبى ؟؟
ربنا يستر
أنا كمان جايبالك معايا حاجة و يا رب تعجبك
تحياتى الخالصة يا حبيبتى
ديسمبر 10, 2008 @ 17:02:00
NIGRO
يا أبو قلب دهب
كل سنة و إنت بألف خير
معلشى بقفل التعليقات عشان المود مش اللى هوه يعنى فسامحنى
ربنا يسمع منك يا نيجرو
و سماح النوبة دى عشان عندك ظروف
لكن يوم التبرع الجاى لازم هنشوفك البت الخيخة بتقول على اول مارس كدا
فشد حيلك
مش عشان تتبرع ..لأ ما خلاص إحنا عرفنا إن المصل و اللقاح واخدين منك موقف
لكن عشان نشوفك و نتونس بيك
أنا كمان هقولك سلام
يا أخى الصغير
ديسمبر 10, 2008 @ 17:04:00
SHAIMAA SAMIR
يا مشموشة
إنتى كمان وحشتينى و يا ريت لو تقدرى تيجى يوم الجمعة
لو مقدرتيش هعرف بقى إنك مع العصفور
أكيد بيجى يزقزق على شباك بيتكو كل يوم جمعة …
سلامى ليه و ليكى يا حبيبتى
و ربنا يجعل أيامكو كلها عيد
كل سنة و إنتى عصفورتى الجميلة
ديسمبر 10, 2008 @ 17:05:00
HERO
حمدلله ع السلامة يا بطل الابطال
إنت فينك يا بنى غطسان
المذاكرة مانا عارفةبقى
ربنا يعينك
و عيد سعيد عليك يا عزيزى
و على أسرتك الكريمة
تحياتى و نورت
ديسمبر 10, 2008 @ 17:07:00
HANNODA
و إنتى طيبة يا قمراية
بصى ..لازم هييجى يوم زى دا و تكونى معانا
أن شاء الله يحصل
و تيجى مصر بالسلامة
مش عارفة هقدر اكتب و لا لأ …
يعنى حسب الحالة بس أنا متوقعة اليومهيكون جميل كالعادة
تحياتى ليكى و بوسة و حضونة يا قمراية
آه و طبطبيلى على هانم
ديسمبر 10, 2008 @ 17:09:00
AHMED-K
إيه يا أحمد
يعنى بتصبلولنا فى اليوم الغلبان دا
أصل الرجالة ممكن تتجمع فى أى وقت
لكن العنصر النسائى لازم يرتبلها و يعمل مليون حيلة عشان نعرف نيجى
عموماً أعمل يا سيدى التجمع الرجالى دا
أما نشوف …
بس برضو هنغلبكو لأن معاناالأقدمية
كل سنة و إنت بألف خر
تحياتى الخالصة
ديسمبر 10, 2008 @ 17:11:00
MONY
ميرسى على الدعوة الجميلة و ربنايسمع منك
يا ريت فعلاً تحاولى تيجى و هاتى عبدالله و وردينا هيلعبوا فى الجنينة و ينبسطوا …
بس هاتى لهم كورة أو أى لعب بيحبوها عشان ينشغلوا بيها و متقعديش إنتى تجرى وراهم كدا …
كل سنة و إنتى طيبة
ديسمبر 10, 2008 @ 17:12:00
قس قزح
و إنتى بألف خير ياحبيبتى
حاولى تيجى يا دوللى
أصل أقرب لقاء لينا بعد كدا هيكون فى أول مارس ف التبرع بالدم …
نكون خدنا هدنة من المشواير شوية الفترة اللى جاية
فتعالى بقى نشوف بعض و نقعد قعدة ستاتى حلوة من اللى هيا
بوسيلى العيال
سلام مؤقتا
ديسمبر 10, 2008 @ 17:13:00
T3BAN
و إنت طيب و بألف صحة و سلامة
تحياتى الخالصة ليك
ديسمبر 10, 2008 @ 17:14:00
إيما ام البنين
و إنت طيبة يا إيما
و المرة الجاية تكونى فى مصر و تحضرى معانا لقاء من دول و تنورينا إنتى و الزعارير
يوسف يكون معايا !؟ …
يا رب
يسمع منك ربنا
تحياتى يا حبيبتى
ديسمبر 10, 2008 @ 17:15:00
رئيسة حزب الاحلام
لوووولى
و إنتى طيبة يا حبيبتى
بس مقولتيش جاية ليه؟؟
حاوى تيجى عشان إنتى كمان تخرجى من و قولى لسحر و سالى …
أشوفك على خير يوميها إن شاء الله
تحياتى ليكى يا حبيبتى
ديسمبر 10, 2008 @ 18:19:00
كل سنة وانتي طيبة يا فاتيما هانم
يارب دايما يسعدك زي ما بتسعدي اللي حواليكي يارب
تحياتي وسلاماتي
ديسمبر 10, 2008 @ 20:27:00
جزاكم الله خيرا وكل سنة وانتي طيبة
وربنا يسعد ايامك ويرجع المود كما كان ..
تحيتي
ديسمبر 10, 2008 @ 23:25:00
ماما فاتيما ياأحن أم
إزيك عاملة إيه
يارب تكونى بخير
كل سنة وإنت طيبة وبخير وسلام
والسنة الجاية يارب تكون فى عرفات وفى أحسن حال
ديسمبر 10, 2008 @ 23:48:00
كالعادة طبعا جيت متاخرة
كل سنه وانتي طيبة بصراحة مش فاكرة قولتلك ولا لاء
اصل دماغي فيها ميت حاجة
ادعيلي اجي يوم الجمعه ربنا يخليكي يا فاتيما
نفسي اشوفكم قوي قوي وحشتوني بجد بجد
ديسمبر 11, 2008 @ 00:00:00
كنت نفسي أكون معاكوا
بس مسافرة خلال ساعات يومين و هرجع… فطبعا مش هشوفكوا
انت مخصوص كنت نفسي أشوفك جدااااا
بجد كنت كل ما حد يسألني أقول لهم إن فيه ناس معينة لو راحوا يبقى هفكر أروح
و انت بجد أولهم من غير مجاملة
يارب يكون يوم حلو أوي بكرة :)،وتفرحي و تضحكي من القلب
فرصة تانية إن شاء الله هحاول اكون معاكم
سلام ياللي كنت نفسي أشوفها تاني 🙂
ديسمبر 12, 2008 @ 20:01:00
كل سنه وآبى طيبه
وكل المدونات الستات والبنوتات بخير
مدونتك رائعه وكل ما ادخل اعلق احتاس ووقتى ينتهى وأخرج
عاوزة اعلق على البوست اللى فات ملقيتوش مفتوح
شوفى قولى يا حبيبتى يا فاتيما يا أم يوسف
ربى إنى مغلوب فانتصر
وأفوض أمرى لله والله بصيرا” بالعباد