معايدة ل آبى … وإعتذار

المعايدة عشان آبى قمر التدوين كله

بمناسبة عيد ميلادها

التورتة الأولانية دى على ذوق يوسف

و التورتة التانية دى على ذوقى و فوق منها حاجة بتحبيها

و بتنفع فى اوقات الحاجة إليها لما حد يضايقك

و بما إنى اللى جايبها …فبالتالى مينفعشى تحدفينى بيها

لما أقولك إنى بعتذرلك جداً إنتى و خيخة و شاهى و دوبا

و كل من ستحضر يوم الجمعة التجمع بتاعنا

لأن قريبنا من إسكندرية جاى يزونا يوم الجمعة من أول النهار

و الراجل جاى فى مهمة محددة و هى فتح موضوع القضية بتاعة يوسف

مع الحاجة و الجماعة فى البيت

عشان مرفعهاش من غير ما نديهم خبر و ناخد الموافقة منهم أدبياً يعنى

أنا متوقعة أن اليوم هيكون عاصف و ربنا يستر

أدعولى

و كمان متزعلوش منى لأنى بخلف وعدى معاكم

لو عرفت آجى الصبح ساعة و لا ساعتين و أمشى …هاجى

لكن لو النهاردة قريبنا إتصل و قال إنه جاى من بدرى ..

يبقى لازم طبعاً أقعد و مخرجشى خالص

أتمنالكم يوم سعيد و متأكدة من ذلك

و كل سنة و إنتى طيبة يا بيبى

و عقبال ميت سنة

و تحياتى لكل الحاضرات و هحاول اكلمكم

على موبيل خيخة لو الدنيا كانت هادية عندى

من اللى يا ريت متزعلوش منها

فاتيما ام يوسف